137. 1905-ci ildə yaranan, Türkiyənin ən güclü komandalarından biri. Komandanın qurucusu qeyd etmişdirki, komandanın yaranma məqsədi: “ingilislər kimi toplu halda oynamaq, türk olmayan klubları məğlub etməkdir”. Komandanın prezidenti Mustaf Cengiz rəhbərlik edir. Sarı-qırmızı rəngləri ilə tanınan komanda, ən böyük uğurları basketbol və futbolda qazanıb. Klubun futbol üzrə 22 Liqa Çempionluğu, 18 Türkiyə Kuboku və 16 Super Kuboku var. Qalatasaray, futbol üzrə qitənin ən nüfuzlu klub turniri olan UEFA Çempionlar Liqasında 1/8 final, ikinci dərəcəli turnir olan UEFA Avropa liqasında isə qalib gələn ilk və hələki tək türk klubudur. Bunlardan əlavə “cimbom” ilklərin komandası da adlanır. Beləki: 2000-ci ildə paylaşılan Dünya sıralamasında 1-ci sıraya yüksələn ilk türk klubu olaraq, Çempionlar liqasına ən çox qatılan türk klubu olaraq, Çempionlar liqasına ilk qatılan türk klubu olaraq, professional liqada 4 dəfə ardıcıl olaraq, çempion olaraq tarixə keçib. Türkiyənin bu nəhəng klubu qazandıqları nailiyyətləri ilə “Avropa Fatehi” adını qazanmışdı. Komandanın indiki baş məşqçisi yaşayan əfsanələrindən olan Fatih Terimdir. Qalatasaray ev oyunlarını Türk Telekom Arenada oynayır. ( 52.223). Bu arenada bir sıra dünya nəhəngləri Qalatasarayla bacara bilməyib. Real Madrid, Manchester United, Juventus və s. Qeyd etdiyimiz ilk və tək Avropa kuboku məhz Fatih Terim sayəsində qazanılıb, klubun 22 çempionluğundan 8-ində biləvasitə Fatih Terim-in payı var. Hal-hazırda sarı-qırmızılılar Türkiyə liqasında 3-cü pillədə qərarlaşıb. indiki heyətində 16 legioner futbolçu (57.1%) olan komandanın yaş ortalaması 27.9-dur. Klubun rekord transferlərinə gəldikdə isə ilk 3 sırada Jardel (17milyon), Mbaye Diagne (13milyon) və Bruma(13 milyon) yer alır. Rekord satışlarda isə ilk 3 sırada Badou Ndiaye (16 milyon), Bruma (15 milyon), Arda Turan ( 13 milyon) yer alır. Klub tarixində ən çox matça çıxan futbolçular isə Bülent Korkmaz, Hakan Şükür və Arif Erdemdir. Bu cür adlardan əlavə Qalatarasay tarixində oynamış və hazırda oynayan bir sıra ulduz futbolçular var: Gheorghe Hagi, Ribery, Wesley Sneijder, Lukas Podolski, Didier Drogba, Radamel Falcao və s.
Qalatasaray ötən il paytaxtımıza da səfər etmişdi. Belə ki, 2020/21-ci mövsümdə UEFA Avropa Liqasının II təsnifat mərhələsində ölkəmizin Neftçi klubu ilə qarşılaşan Qalatasaray ölkəmizə gəlmişdi. Covid-19 pandemiyası səbəbilə bu qarşılaşma tək matçdan ibarət olmuşdu və stadiona azarkeşlər buraxılmamışdı.